کوئٹہ(زیبائے پاکستان) پاکستان تحریک انصاف بلوچستان کے صوبائی سینئر نائب صدر اور معروف قبائلی شخصیت سید صادق آغا نے کہا ہے کہ 27 ستمبر کو ہونے والا ملک گیر لانگ مارچ تحریک انصاف کے مطابق عوام کے آئینی، جمہوری اور سیاسی حقوق کے مطالبات کے اظہار کا ذریعہ ہوگا۔ انہوں نے کہا کہ پارٹی کارکنان اپنے قائد عمران خان کے سیاسی مؤقف اور جمہوری جدوجہد کے ساتھ کھڑے ہیں۔ انہوں نے کہا کہ ملک میں سیاسی اختلافات کو طاقت، مقدمات اور ایف آئی آرز کے ذریعے دبانے کی کوششیں سیاسی مسائل کے حل میں معاون نہیں بن سکتیں، بلکہ اس سے سیاسی بے چینی میں اضافہ ہو سکتا ہے۔ ان کے مطابق سیاسی معاملات کو آئینی اور جمہوری طریقہ کار کے تحت حل کرنے کی ضرورت ہے۔ سید صادق آغا نے کہا کہ 27 ستمبر کا لانگ مارچ تحریک ا
